Հայաստանի Հանրապետութեան տրանսպորտի եւ կապի նախարարութիւն

Հայաստանի Հանրապետութեան տրանսպորտի եւ կապի նախարարութիւնն յունւարի 18-ին յայտարարութիւն է տարածել «Հայաստանի հարաւային երկաթուղի» եւ «Հայաստանի հարաւային արագընթաց ճանապարհ» ծրագրերի մեկնարկի մասին: 3 մլրդ դոլար արժողութեամբ ծրագիրն իրականացնելու եւ Արաբական Միացեալ Էմիրութիւններում գրանցւած «Ռասիա ՖԶԷ» ընթերութիւնը, որն ամենայն հաւանականութեամբ ռուս-չինական-հայկական կոն-սորցիում է:

          «Չինաստանը եւ Ռուսաստանը համագործակցելու են Հայաստանի հետ ռազմավարական նշանակութիւն ունեցող երկաթուղու զարգացման գործում, որը «Հիւսիս-Հարաւ»միջազգային տրանսպորտային միջանցքի էական պակասող օղակներից մէկն է »,- նշւած է հաղորդագրութեան մէջ:

          Պայմանագրերի գործունէութեան ժամկէտը 30 տարի է շինարարութեան աւարտից յետոյ: «Ռասիա ՖԶԷ» ընկերութիւնը պարտաւորւում է սեփական միջոցներով իրականացնել պայմանագրերով նախատեսւած նախագծերի իրագործելիութեան ուսումնասիրութիւնը, որի արդիւնքների հիման վրայ հետագայում  նախատեսւում է կոնսորցիումի եղանակով՝ պետութիւն-մասնաւոր համագործակցութեան շրջանակներում, իրականացնել շինա-րարական աշխատանքները եւ հետագայ շահագործումը:

          «Ռասիա ՖԶԷ» ընկերութիւնը ստորագրել է պայմանագիր՝ միջազգային ասպարէզում երկաթուղիների, արագընթաց ճանապարհների, թունելների, կամուրջների կառուցմամբ մասնագիտացած «Չինաստանի հաղորդակցային շինարարական ընկերութեան» հետ: Նախագծերի իրագործելիութեան ուսումնասիրութեան տեխնիկական առաջադրանքը ստորագրւել է 2012 թւականի նոյեմբերի 10-ին Երեւան քաղաքում, ՀՀ տրանսպորտի եւ կապի նախարար Գագիկ Բէգլարեանի եւ «Ռասիա ՖԶԷ» ընկերութեան գլխաւոր գործադիր տնօրէն  Ջոզեֆ Բարկովսկու կողմից: Աշխատանքները կապալառուի կողմից մեկնարկել են 2012 թւի դեկտեմբերին, եւ պէտք է իրականացւեն 18 ամիս ժամկէտում: